Педесетина пензионерки со примени две дози вакцини и потврди дека не се заразени патуваа на првата екскурзија годинава до охридското село Оровник. Забавно И интересно помина првата прошетка по повеќе од една година паузирање поради пандемијата и ковид мерките за заштита. Активот на жени при Здружението на пензионерите респектирајќи ги инструкциите го ,,задоволи гладот,, за дружење, откривање и патување.
-Интересот беше голем, но го сведовме на 50. Ги применувавме сите мерки одредени од здравствените власти. Има интерес и за други екскурзии. На пензионерките им недостасуваат дружби и сакаат да излезат на отворено по тешката и опасна пандемија. Се подготвува екскурзија до Дојран. Заинтересираните ќе треба да бидат вакцинирани два пати – вели Снежана Димеска, претседателката на активот на жените.
