СОУ „Орде Чопела“
Значително се подобрени условите во СОУ ,,Орде Чопела,,. Според директорката Анета Пејоска, набавени се технички помагала, нови бели табли за сите кабинети и лаборатории, смарт табли и проектори, сите кабинети се опремени со нов компјутер за онлајн настава. Монтирана е опрема за оптички интернет за следење настава од далечина.
– Опремена е библиотеката со стручна литература, белетристика и лектирни изданија. Хортикултурно и партерно е уреден дворот. Реконструирано е кошаркарското игралиште кое доби и осветлување. Обезбедени се средства за комплетна обнова на тоалетите. Реновиран е кабинетот по очна оптика. Се очекува промена на подовите – вели Пејоска.
И во услови на пандемија, училиштето се обновува и осовременува. Се очекува реконструкција на фасадата и внатрешната столарија.
