ОУ „Климент Охридски“
Во ОУ ,,Климент Охридски,, следат настава со физичко присуство и онлајн 793 ученици. Континуитет се инвестициите за подобрување на условите, обновување на наставно образовните нагледни средства и обуката на наставниот кадар. Во таа насока се вложени 4,6 милиони денари.
– Инвестираме во наставно образовни помагала, реконструкции, набавка на магнетни табли и смарт телевизори со интернет. Реконструирани се внатрешните скали и ходниците Подигната е биста на патронот во училиштето – вели директорот Зоран Сребреноски.
Инвестирано е и во училиштето во селото Мажучиште, каде е отворена втора паралелка. И таму се реконструирани и опремени училниците.
Се очекува реконструкција на оградниот ѕид пред старата училишна зграда.
