Во ОУ „Добре Јованоски“
Промена на подовите во училниците, ходниците и скалите, заменети врати од училниците, обичните светилки заменети со лед светилки, комплетна замена на старите клупи и столчиња со нови, нова дограма и набавка на нагледни средства, се дел од инвестициите во ОУ ,,Добре Јованоски,,.
-Променета е дограмата со амбасадата на Јапонија за 50.000 евра. Со пари од локалната самоуправа пренаменети се две простории во училници. Отворен е дневен престој. Во сите училници се обезбедија нови клупи и столици и се сменети вратите. Реконструирани се и санитарните јазли. За подобрување на енергетската ефикасност, сменета е дограмата во подрачното училиште за 900.000 денари. Реконструирани се таваните и подовите. Набавени се машини за чистење на подови, принтери, телевизори, наставни средства и помагала. Во дворот е изградена летна училница – вели директорката Сузана Дарковска.
За подобрување на онлајн наставата, за учениците од социјално ранливите семејства преку разни донации,добиени се повеќе таблет компјутери.
Годинава ќе вложи во фасада со енергетска ефикасност.
