Со пари од Министерството за транспорт и врски, односно од Светската банка, есенва ќе се санира улицата ,,Мице Козар,,. Реконструкцијата ќе ја подобри градската патна инфраструктура и безбедноста во сообраќајот.
Општината аплицира кај Министерството за реконструкција на улицата ,,Леце Котески,, која е клучна за влезот од Крушево.
– За санација и изградба на локални патишта Прилеп доби 1,2 милиони евра. Во тек се три капитални проекти со над два милиона евра. Тоа се реконструкцијата на булеварот ,,Гоце Делчев,, мостот кај сточниот пазар и градскиот стадион, кои наесен треба да бидат готови – рече градоначалникот Илија Јованоски.
Асфалтирани се околу 25 км. улици во градот и селата, поставени се околу 9.000 м2. бекатон плочки.
Инаку, Министерството за транспорт и врски следниве пет години ќе вложи околу 70 милиони евра за изградба и санација на 400 км. локални улици и патишта во проектот ,,Македонија без кал,,. Во првата фаза, меѓу 17 општини, е и Прилеп со обнова на улицата ,,Мице Козар,,.
