Со средства од Министерството за образование и наука од 14,4 милиони денари или повеќе од 235 илјади евра, почна реконструкцијата на покривот на Гимназијата ,,Мирче Ацев,,. Во втората фаза ќе се реконструира и фасадата.
-Летово Гимназијата е градилиште. Покрај реконструкцијата на покривот, претстои обнова на фасадата и промена на дограмата од северната страна на објектот. Остануваат да се средат уште административните работи за старт на новата котларница, која ќе биде прва во општината на гас и нафта. Инвестицијата е преку 100.000 евра. Наскоро ќе се реконструира водоводната и канализационата мрежа и ќе се асфалтира целиот училиштен двор. Иако е најстарата училишна зграда во градот, не било ништо инвестирано повеќе од 20 години – вели Димче Настоски, директор на Гимназијата ,,Мирче Ацев,,.
Заокружувањето на целиот проект е планирано за следната година со комплетна реконструкција на внатрешниот дел и на фасадата на предната страна.
Како течат градежните работи разгледаа градоначалникот Илија Јованоски со претседателот на Советот Миле Талевски, заменик министерката за образование Елизабета Наумовска и заменик министерот за локална самоуправа, Дејан Павлески.
Локалната самоуправа годинава ииздвои околу 30 милиони денари за реконструкција на основните и средните училишта.
