Претседателски избори 2019
По завршувањето на првиот круг од гласањето за претседателските избори, вториот круг од гласањето е на 5 мај. Во вториот круг ќе се гласа за двајцата кандидати кои во првиот круг освоија најмногу гласови, односно за Гордана Сиљановска – Давкова, кандидат на ВМРО-ДПМНЕ, и Стево Пендаровски на СДСМ и коалиционите партнери.
Според пресметаните утврдени резултати на Државната изборна комисија од првиот круг на гласањето за избор на претседател на Република Северна Македонија, кандидатот Блерим Река добил 79.921 гласови; Гордана Сиљановска-Давкова добила 319.364 гласови и Стево Пендаровски добил 323.892 гласови.
Во Општина Прилеп, гласале 36.698 избирачи односно излезноста била 57,39%. За Блерим Река гласале 369 граѓани или 1,01%, за Гордана С. Давкова 17.239 или 46,98%, додека 17.101 или 46,60% за С.Пендаровски. Вкупно 1.989 гласачки ливчиња биле неважечки или 5,42%.
Претседателите на општинските партии и на СДСМ И на ВМРО-ДПМНЕ на прес конференција прогласија победа.
