„Feed your brain“ или „Нахрани го својот ум“ беше настанот на Економскиот факултет кој претендира да ги мотивира студентите за патот до успехот преку животните стории на познаните бизнисмени и личности од јавниот живот. Се обратија Сашо Самарџиоски, генерален директор на Прилепската Пиварница, ТВ водителката Лила Филиповска и кореографот Рисима Рисимкин.
-Првата е страст, втората е работа, а третата е фокус. Ако овие три работи ги има на едно место има успех во она што го прават луѓето. Со следење на овие начела може да се успее и во Македонија – рече Филиповска.
-Младите треба прво да веруваат во себе, да имаат сон кој што сакаат да го остварат. Никогаш да не се откажуваат, па макар тоа и на почетокот да изгледа невозможно – рече Самарџиоски.
-Каде и да се наоѓаш, сам си ги создаваш условите и сам ќе успееш во тоа што го посакуваш” – изјави Рисимкин.
Студентите со ваквите настани се пронајдуваат себе си, се насочуваат И се мотивираат што да прават понатаму.
-Сите овие успешни луѓе биле обични студенти. Од нив дознаваме како станале она што се денес – вели студенката Ивана Сурлаџиоска.
-Приказните на успешните луѓе ме инспирираат да станам како нив во иднина. Дознавам како успеале во својата работа – изјави студентот Трајче Маџоски.
,,Мрдни со прст,, е иницијатива со мисија да поттикне поголема граѓанска вклученост во решавање на општествените прашања.