Историја
Во архивата на Атлетската федерација на Македонија има 97 државни сениорски рекорди, а од нив 10 се дело на прилепчанки. Најмногу, пет, има учесничката на Олимпијадата во Сиднеј 2000, Даниела Кулеска. Таа е најдобра на 800 метри, 1000, 1500, 2000 и 3000 м. Сопственичка на два рекорда е Милена Чкрипеска, на 10 километри (39,22) и на полумаратон (1,26,01 часа), додека втората наша олимпијка (Лондон 2012), Христина Ристеска, има најдобро време на 300 метри (41,35). Рекордер е и Катерина Димеска, на 5000 (18,36,46), а досега не е соборен и резултатот на штафетата 4х200 (Александра Митреска, Ангела Трендафилоска, Катерина Станкоска, Фросина Крстеска) со време од 2,36,40 минути.
Сите ги врзува АК Трети ноември (Академик Џамбазовски) на тренерот Ѓорѓи Гешоски.
