На партнерски состанок на Црвениот крст со претставниците на корпоративниот сектор и од Министерството за труд и социјална политика во Скопје, Црвениот крст на Македонија í додели на Прилепската пиварница посебно признание за поддршката во остварувањето на хуманитарните цели и задачи на организацијата.
Прилепската пиварница разви голема поддршка и пријателство кон оние на кои им е потребна помош. Низ повеќе акции и донации ја докажа општествената одговорност. На манифестацијата, “Различни, а еднакви”, таа доби и признание за општествена одговорност, поради посветеноста во намалувањето на разликите на лицата со посебни потреби и за подигање на јавната свест за нивните потреби и проблеми.
Црвениот крст ги промовира хуманитарните вредности и поттикнуваа стратешки партнерства за надминување на проблемите со кои се соочува населението во заедниците.
