Секцијата жени при Здружението на пензионерите и годинава им поделија новогодишни пакетчиња на Здружението на родители со деца со церебрална парализа. Во името на осумдесетина родители, Милица Печијареска изрази благодарност. Пензинерките не ги забораваат и штитениците при Домот за стари лица. Покрај новогодишни подароци, ќе приредат настап на КУД при прилепското здружение.
Здружението на пензионерите пред новогодишните и божикните празници додели пакети од по илјада денари на стотина членови со ниски пензии.
Здружението распредели еднократна парична помош и за бањско лекување преку 1,5 милиони денари.
