Со претставата „La Linea“ по текст и во режија на професорот Маринко Шлакески, гимназијалците во мај ќе учествуваат на театарскиот фестивал во Болоња, Италија. Премиерата предизвика возбуда кај публиката.
– Ја добивме поканата, оти ги исполнивме критериумите. Учествуваат тројца актери, а јас сум режисер. Ми помогнаа и колегите. Кореографијата ја изработи професорот по спорт Орде Цветаноски. Професорот Никола Богданоски даде придонес околу техничкиот дел, осветлувањето, а мое дело е музиката и текстот за музиката – вели Шлакески.
Директорот Диме Настески целосно го поддржа проектот.
