Од 13 до 16 јули, 15-ти јубилеен Пиво фест
Пивофест е забава, музика, журка, култура, прошетки. Прилеп четири дена ќе биде место за нови доживувања, селфи фотографии, спомени, први пијанства, нови пријателства или место каде ќе се роди нова љубов или ќе се зацврсти старата страст.
Ќе има богата музичка програма која ќе ги задоволи вкусовите на сите генерации и околу 25 штандови со ладно пиво и вкусна скара, а кои ќе се простираат на околу 5.000 м2. Од 13 до 16 јули, по 15-ти јубилеен пат, ќе се одржи најголемиот и најатрактивен фестивал на овие простори Пиво фест 2017.
{AG thumbWidth=”260″ thumbHeight=”150″ thumbAutoSize=”none” arrange=”priority” backgroundColor=”ffffff” foregroundColor=”808080″ highliteColor=”558CB6″ frame_width=”450″ frame_height=”300″ newImageTag=”0″ newImageTag_days=”7″ paginUse=”0″ paginImagesPerGallery=”10″ albumUse=”1″ showSignature=”0″ plainTextCaptions=”0″ template=”classic” popupEngine=”fancybox”}459/pf{/AG}
В четвртокот, на 13 јули фестивалот ќе го отвори македонската група Eye Que, забавата потоа ќе продолжи со култната група Психомодо Поп, а првата вечер ќе ја затвори Амадеус бенд. Петокот е резервиран за Don Minott amp; Conquering Lion, Нокаут и Ален Исламовиќ. В сабота, публиката ќе ја забавуваат Елена Велеска, Анабела и Харис Џиновиќ. На последната вечер ќе настапат Тајфата со Димитар Андоноски, Џамбо Агушев и ѕвездата на овогодинешниот фестивал Северина.
Организаторите не ги откриваат големиот број изненадувања. Покрај пива од Скопска и Прилепска пиварница, потоа производи од Кожувчанка, ќе има и пива кои за прв пат ќе бидат претставени пред прилепчани. Ќе има белгиско, ирско, англиско, германско, грчко и сараевско пиво. Прилепска пиварница ќе понуди доста уживање и изненадувања. На штандот посетителите ќе го вкусат и видат новото руво на јунакот, Крали Марко по кое што градот е познат. Најголемата ексклузива можеби ќе биде тоа што освен застапеноста на пива со стандарден процент на алкохол ќе има и пива со повисок процент, како пива со 7, 8 и со 9 проценти на алкохол.
Пивото оди со добра скара, која во Прилеп ја има во изобилие.
Работното време на сите угостителски објекти ќе биде продолжено до 3 часот наутро и секој угостителски објекти после официјалната програма организира своја фешта до раните утрински часови. Посебно интересно ќе биде во новиот Аква парк – Салида кој ќе биде освежување и забавата во една од најголемите дискотеки во Македонија, клубот Калипсо.
Организиран е бесплатен кампинг на Паркот на револуцијата. Обезбедени се 25.000 паркинг места.
