Неофицијално дознаваме дека на годинешното издание на Пивофестот од 13 до 16 јули, пивопијците ќе ги забавува и хрватската естрадна икона Северина. Во шпекулациите се врти и името на популарниот хитмајстор за млади и возрасни, а кој со децении не се сметнува од сцената, Харис Џиновиќ.
Дефинитивно е познато дека годинава со криглите ќе може да се игра на незаборавните хитови на многу генерации, на групата Бело дугме, само со Ален Исламовиќ. Во меѓувреме, веќе е обелоденето уште едно атрактивно име. Станува збор за хрватската поп-панк група, Психомодо Поп, која успева да одолее на музичките предизвици уште од 1983 година. Празникот на пивото ќе се слави и со Амадеус Бенд и домашните Нокаут и Еуе Цуе.
