Од 26 до 28 мај на стадионот ,,Могила” ќе се одржи првиот Светски куп во летање квадрокоптери (дронови), нова и атрактивна воздухопловна дисциплина со последните достигнувања на технологијата. Македонија станува пионер во регионот. Најавени се учесници од Бугарија и западноевропските земји. Организаторот, клубот ,,Фил феникс” предвидува и домашна програма за јуниорите од Прилеп. Пријавувањето е преку веб-страницата.
Викендов ќе има загревање на Спортскиот аеродром во Големо Коњари. Се одржува Купот Битола и завршните турнуси од Државното во воздухопловно моделарство.
