Тендерот за реконструкција на градскиот стадион
Во тек е тендерската постапка за реконструкција со доградба на градскиот стадион „Гоце Делчев“. Општина Прилеп издвои 30 милиони денари од буџетот за 2017 година. Со овој тендер предвидено е покривање и реконструкција на северната трибина на стадионот.
Сите заинтересирани економски оператори веќе можат да ги доставуваат понуди за овој договор за јавна набавка најдоцна до 7.март до 10 часот, исклучиво преку ЕСЈН ( www.e-nabavki.gov.mk).
Паралелно веќе тече реконструкција на теренот на стадионот, каде се поставува нов дренажен систем и автоматско наводнување според стандардите на УЕФА. Овој дел од реконструкцијата се изведува согласно договорот од програмата „ХЕТ-ТРИК 4“ која е донација од УЕФА, а се реализира преку фудбалската федерација на Македонија.
