Со околу милион денари, средства обезбедени од буџетот на општината, целосно е реконструирано подрачното училиште на “Климент Охридски” во Мажучиште.
Комплетно е саниран објектот. Извршена е и целосна обнова во внатрешноста на училишната зграда, сé со цел подобрување на условите за изведување на наставата. Градежните активности околу реновирањето опфатија нови подови од линолеум, комплетно малтарење на ѕидови со абрипт, спуштање на тавани со плочи од кнауф, поставување на нова електрична инсталација, нова дограма и внесување на тоалетите во училишната зграда.
Локалната самоуправа не ги заборава ниту селата, каде постојано се инвестира во инфраструктурата и објектите од јавен интерес.
