Со пригодна програма во која учествуваа учениците беше означен крајот уште на еден проект кој успешно финишираше во рамките на програмата за инвестиции на ОУ “Рампо Левката”.
Се означи епилогот на реновирањето на санитарните јазли, на кабинетот по хемија и се отвори нова училница во подрачното училиште во Селце.
За последните инвестиции се вложени 1.5 милион денари, средства од локалната самоуправа.
Градоначалникот Марјан Ристески посочи дека продолжуваат вложувањата во образованието.