Интензивно се гради патот кој води до селот Волково. Наскоро ќе биде поставен асфалт во должина од 3.800 метри.
– Во тек се подготовките на овој инфраструктурен зафат. Станува збор за инвестиција од 24 милиони денари од Агенцијата за финансиска поддршка во земјоделството и руралниот развој и Општината – посочи градоначалникот Марјан Ристески.
Со реализацијата на градежниот зафат ќе се подобрат врските со градот и квалитетот на животот на населението од овој крај.