Одбележувањето на светската акција “Час на планетата земја” ја поддржаа локалните власти. Еден час беше исклучено осветлувањето на пешачката патека Варош, Градскиот Кеј, паркот на Могилата, како и спомен обележјата Карпалак и Прилепски Бранители. Прилеп го даде придонесот за афирмација на штедењето на фосилни енергенси и популаризација на таканаречената “зелена енергија” од обновливи извори. Со тоа градот се приклучи кон планетарната порака спроведена од 154 држави во светот, а реализирана од многу светски метрополи. Исклучувањето на осветлувањето е во насока на поткревање на свеста за намалување на користењето на енергетските ресурси и нивото влијание на климатските промени.