Позитивните и негативните страни на мерките за вработување беа на проверка меѓу 40-на претставници од бизнис секторот. Невработеноста е падната од 24000 на 17900 лица со дел од стимулациите за самовработување. Но, уште се атрактивни работните места под “државна капа”.
– Младите невработени треба да се ориентираат кон приватен бизнис. Има 410 слободни места, а невработените немаат интерес. За чистачка во основно училиште се јавени 500 кандидати. Тоа бара анализа со вклучување на сите релевантни фактори – истакна градоначалникот Марјан Ристески.
