Се реновира фасадата на ОУ “Добре Јованоски” со пари од локалната самоуправа. Откако се уреди внатрешниот дел, се пристапи на реновирање на фасадата. Училиштето ќе добие нов лик за еден месец, а учениците “не ќе можат да го препознаат училиштето” во новата учебна година. Со последната интервенција, објектот е комплетно реновиран. Вредноста на инвестицијата е 2.5 милиони денари. Се реконструира и ентериерот во ОУ “Климент Охридски”. Се поставува бетонска плоча меѓу катовите, се поставуваат подови од линолеум, се малтарат ѕидовите со абрихт, се спуштааат таваните со плочи од кнауф и се поставува нова електрична инсталација. Реконструкцијата е финансиски следена со 2,5 милиони денари од локалниот буџет. Во ОУ “Рампо Левката” е сменета целосно дограмата. Дел од парите се обезбедени од ЕУ фондовите, а дел од Министерство за образование и наука и Швајцарската агенција за развој. И локалните власти дадоа паричен придонес.