Светски ден на Ромите
Со бројни манифестации денеска Ромите ќе го одбележат меѓународниот ден. Ќе запеат, ќе заиграат, ќе потсетат дека и тие се дел од македонската, па и прилепската заедница. Невладините организации излегуваат со податокот дека во градов, во населбата Тризла, живеат околу седум – осум илјади Роми. Поголемиот дел се интегрирани во општеството. Дека ромското малцинство ужива еднаков третман, сведочи и податокот што во населбата Тризла, веќе е преименувана една улица со името на Ердован Шабаноски, еден од загинатите десетмина прилепчани на Карпалак пред десет години. Општината ги подобрува условите за живот. Се поставува канализација и се асфалтираат улиците. Се реновира и училиштето “Добре Јованоски”, каде учат главно ромски деца. Во рамките на прославата вчера беше отворена изложба на тема “Културата на Ромите”.
