Театар “Војдан Чернодрински”
Во театарот во тек се подготовките за претставата “Поблиску”, текст од Патрик Марбер, во режија на Кирил Петрески. Текстот и авторот првпат се поставува во прилепскиот театар. Премиерата е планирана за следниот месец.
– Драмскио текст се занимава со односите на маж – жена. Ги анализира деструктивните можности на љубовта, интимноста и телесните желби меѓу две модерни двојки – вели режисерот Петрески.
Ќе играат Наташа Ачански, Катерина Чакмакоска – Клинческа, Илија Волчески и Дарко Карбески.
Авторот Патрик Марбер е современ англиски драматург, театарски и филмски режисер, актер и сценарист. Автор е на повеќе пиеси, сценарија за филмови, професор по современ театар на Оксфордскиот универзитет.
