Шах
Да се биде на 17. место на прв поглед не е некој завиден пласман, но ако се земе предвид учеството на 168 шахисти од пет држави (Бугарија, Германија, Косово, Србија, Македонија), јасно е дека станува збор за успех. Ова го постигна фидемајсторот Роберт Велески на Меѓународниот брзопотезен турнир “Карпош 2024” во Скопје. На стартот рангиран на 18. место успеа да се искачи едно место погоре со 6,5 поени, преку 2 пораза (ИМ Тони Лазов, ФМ Дејан Динев), 1 реми (ФМ Љубомир Хаџи-Манев) и 6 победи (Илија Илоски, Момчило Смолиќ, Илија Велков, Ефе Ибраимов, Ванчо Спасов, Ацо Атанасов).
Победник на турнирот е Бугаринот Љубомир Данов со 7,5 поени.
