Нова поeтеска творба
Ноќеска око не склопив,
патував со мислите,
а патот долг – недоглед.
За водич го побарав звезденото небо,
за придружник тишината,
спомените беа моја дестинција…
Ова се само дел од стиховите во новата поетска збирка “Траги” од Божана Тренческа, која е трага споменарник со стихови.
Рецензентот Сузана Ѓорѓиевска, ќе забележи дека авторката не ја лишува од нарација својата песна.
– Со мала лажичка нуди наситка и со мала голтка на жедни заситка. Вечно ја отвора големата капија и вели “добредојде”, подавајќи ги добрите мисли – посочува ЃОрѓиоска за објавените 91 песна.
Тренческа, член на Клубот на литературни творци, издала неколку стихозбирки, збирки раскази, романи, од кои повеќе наградуваниот “Бојана на Тодор”. За придонесот во литературата е добитник на Третоноемвриска награда на Прилеп.
