Ракомет
Стартува вториот дел од Супер-женската лига. В сабота (19 ч.) во СОУ “Ристе Ристески – Ричко” е дуелот Деспина – Стружанка. Тежок меч за прилепчанки, оти Деспина има 13, Стружанка 19 бода, а есеноска беше 25:16 за стружанките. Сепак, домашниот терен може да е предност.
Во плеј-аутот од машката Супер-лига, Прилеп веќе е на врвот од табелата, по одиграната прва рунда. Дома, со убедливи 32:24 е совладано Скопје. Владан Кастратовиќ постигна 9 гола, Пеце Рајатовски и Никола Цветаноски по 5. Престои гостување на Голден арт во Скопје.
Табела: Прилеп 5, Куманово и Мултиесенс по 4, Еурофарм Пелистер 2 и Голден арт по 3, Аеродром 2, Вардар Н. и Скопје 0.
