За празникот Св. Никола
Клубот на литературни творци Прилеп ги додели наградите и признанијата на учениците и менторите, учесници на традиционалниот конкурс “Св. Никола 2023”. Поттикнат е развојот на книжевниот творечки потенцијал на младите, промовирана е дарбата за пишување и творење и негување на македонскиот литературен јазик и литературата воопшто.
Во категоријата поезија најдобра беше Ана Марија Димитриоска од СОУ “Ристе Ристески Ричко”. Во категоријата проза за жирито отскоскна Исидора Николоска од СОУ ,,Ѓорче Петров”.
– Нијанси одлучија за изборот оти повеќето поетски и прозни текстови беа со респективен книжевен квалитет. Затоа, младите творци да читаат многу, да пишуваат, да творат, да го надоградуваат талентот и да оставаат трајни вредности преку издадените книги – вели Андриана Ристеска, претседател на Клубот на литературни творци – Прилеп.
