На 10 октомври од 18 часот во ликовниот салон од ЦК “Марко Цепенков” ќе биде отворена годишната изложба на ДЛУП 2023. (Друштво на ликовни уметници Прилеп). Се работи за групна изложба на прилепските уметници.
– Новините појавени на современата ликовна сцена секогаш поттикнуваат возбуда и восхит кај верните следбеници и љубители на уметноста. Тргнувајќи од личната потреба за творечко откривање и креативно истражување, уметниците на ДЛУП континуирано ги развиваат артистичките и автономни стилски изрази, а преку организацијата на разни групни и тематски изложби се афирмираат, оставајќи автентичен печат. Годишната изложба е придонес во прославата на државниот празник 11 -ти Октомври, Денот на народното востание. Ќе се претстават Александра Богоеска, Александар Џинго, Анита Сот Јовеска, Бојана Артиновска, Верче Николоска, Викторија Димеска, Елена Димоска, Емил Солески, Маја Ралева – Миладиновски, Марјан Стојановски, Марта Макеска, Методи Иско, Ферди Булут и Филип Јовески – вели Викторија Димеска, историчар на уметноста и член на ДЛУП.
