Стрелаштво
Со тренажен процес стартуваше Стрелечкиот клуб Херој Прилеп со тренерот Трајче Дамевски. Првпат го нема репрезентативецот и македонски рекордер со пушка, 19-годишниот Мартин Ангелески. Клубот му излезе во пресрет, му издаде исписница да премине во скопски Стрелец.
– Плановите му се врзани со Скопје. Се надеваме дека ќе го задржи прогресот да стигне до олимпијада – вели Дамевски.
Клубот продолжува со обука на нов кадар, со сопственото “производство”. Засега во стрелиштето “… Цепенков” работат само повозрасните, на кои ќе им се приклучат и помладите. Првите значајни натпревари се на 11 и 25 февруари.
