Ракомет
По 60 дена одмор, в среда е првиот тренинг на машкиот ракометен суперлигаш Прилеп. Екипата ќе ја води новоназначениот шеф на Стручниот штаб Реваз Чантурија со помошникот Рубин Лашкоски. Играчкиот фонд има големи промени. Заминати се Зураби Цинцадзе, Казеун Рустамов, Хари Павлов, Владимир Трајкоски, Даниел Андоновски, Марко Трајковски и Марио Гичев. Така, успех за клубот е ако ги задржи другите, како Чантурија, кој е тренер и играч, па Мириани Гавашелишвили, Давор Шокоски, Христи Бикоски, Стефан Лозаноски, Лео Дамчевски, Иван Ангелески, Стефан Христоски… Има надеж дека и со намален клупски буџет може да се донесат квалитетни засилувања.
Клубот најави организација на турнирот ,,Миле Нешкоски,, со учество на Скопје и Мултиесенс (Скопје), Струга, Паок (Грција) и Дубочица (Србија).
