Братство Житоше
Иако е на претпоследното место од табелата на Втората лига – Исток, екипата на Братство од Житоше не се предава. Сосема исправно – човечки, спортски. Клубот го подигнува квалитетот со доведување нови фудбалери. Така на располагање на тренерот Ромер Муриќ му се осум засилувања: Антонио Димески (Прилеп), Дрилон Зендели (Велазерими), Урим Бајрами (Гостивар), Ирфан Максуди (Коњаре), Метин Керим (Воска), Давид Царулески (Росоман), Зоран Котески (Питу Гули) и Самир Мемеди (Питу Гули).
Во подготовките кои стартуваа пред една недела, планирани се неколку тест-мечеви.
