Рубин Абрашоски е новиот в.д директор на ЈКП Комуналец. Градоначалникот Борче Јовчески, изборот го направи од постојните вработени, каде Абрашоски, минативе 16 години е докажан професионалец во работењето во струката. По вокација, Абрашоски е земјоделски инжењер, и досега ги извршува работните задачи како раководител на Одделот за хортикултура.
Работното искуство во оперативниот дел, познавањето на сите сектори во претпријатието, како и познавањето на вработените, се гаранција да му се довери највисоката функција во јавното претпријатие, кое е од суштинско значење за функционирањето на градот во делот на правилното третирање и управување со отпадот, јавната чистота, одржувањето на парковите и зленилото, управувањето и одржувањето на градските гробишта и ДООЕЛ Терминал.
Абрашоски доаѓа на местото на досегашниот директор Сашо Велески, кој поднесе оставка.
