Фудбал
Има зошто гледачите постојано да бидат на натпреварите каде игра Победа. Сите уживаат во акции, додавања, дриблинзи, голови, пети… Се она што е убаво од фудбалот е тука. Пример дека и второлигашкиот ранг може да е интересен. Се поретки се фаулите и деструктивците, а доминантни креаторите. Нема само сила, ами и убавина. Така Победа со 5:0 го совлада Братство, пред 2000 гледачи, а сигурно посетата ќе биде голема и в сабота (14 ч.) на Градски со радовишки Детонит. Во истото време, Братство на Могила игра со лидерот Саса.
Табела: Саса 17, Победа и Слога 16, Беласица 11, Осогово 10, Кит-Го 9, Кожуф 8, Детонит 7, Локомотива 4, Братство 1.
