Проектот ,,Уличната уметност, можност за реактуелизација и презентација на дејноста и делата на нашите истакнати дејци – поетот и лингвист Блаже Конески и писателот романописец Стале Попов,, ќе го организираат Дрим Фактори и Центарот за современа ликовна уметност (ЦСЛУ). Владата го поддржува проектот за 30 годишнината од државноста.
Содржина се два ѕидни мурали на уникатни локации и два кратки докуметарни филма и видеа за промоција и презентација на дејноста и делата на Блаже Конески и Стале Попов. Муралите ќе ги зиведат нашите познати академски ликовни уметници Сања Јездиќ, Ферди Булут и Александар Џинго.
Преку уличната уметност се постигнува автентичност и обележје на многу градови. Муралите живеат во заедницата. Виртуелните јавни дискурси станаа предмет на присвојување од популарната култура и главната симболика на современоста.
-Сликарските активности на Ценарот за современа ликовна уметност имаат извонреден творечки амбиент. Овозможуваат експериментирања и истражувања да се дојде до иновација. Со тоа се вклучуваме во општите сликарски текови и стануваме дел од светската современа ликовна уметност – вели Јана Ј. Ристески од ЦСЛУ.
