Театарска работилница Прилеп третпат учествува на интернационалниот фестивал на монодрамата во Битола со монодрамата “Лидија, или се што знам за жените” од Тихомир Јанчовски во режија и изведба на Игор Трпчески. Настапот е утревечер од 20 ч. на сцена бифе театар.
Претставата е адаптација на истоимениот поетски роман во кој се опишува љубовната приказна и комуникација меѓу авторот и Лидија, битолчанката која е инспирација за создавање на делото.
Музиката е на Тони Миќевиќ, а за сцената и костимте се погрижи Бојана Артиновска Трпческа, за тон и светло Томе Темелкоски.
