Дел од ансамблот на театарот во копродукција со „Еуроказ“ премиерно ја изведе претставата ,,Глембаеви, уште една Легенда,, варијации на драмата на Мирослав Крлежа, во режија на Бранко Брезовец.
Претставата е со поинаква естетика во однос на македонската верзија и даде друга енергија. Двете актерски екипи, хрватската и прилепската, одлично функционираа и покажаа дека може да се прават копродукциски проекти.
Претставата е приказ на животот на живите и мртвите, енергиите се двојни. Претставата се планира да се игра и во Загреб и на други меѓународни сцени. За актерите ова е искуство плус и спојувањето им е фантастично. Проектот е старт на добра практика на соработка и театарски експеримент.
Играа Андон Јованоски, Златко Буриќ, Даниела Иваноска, Домагој Јанковиќ, Зоран Иваноски, Ангела Наумоска, Сузана Брезовец, Димитар Црцороски, Роберт Шпаниќ, Исидор Јованоски, Павле Вркљан, Трајче Иваноски, Игор Трпчески и Ана Митоска Стојаноска.
Композитор на музиката е Никола Мицевски, сценограф Ивана Кнез, а за костимите се погрижи Сузана Брезовец.
