Промоција
Поетската книга „Сјајна ѕвезда со лавовска грива“ од Милан Јазбец, амбасадор на Словенија во Македонија, ќе биде промовирана вечерва од 19 часот во просториите на ЦСЛУ. За 40 – то книжевно издание, љубовна лирика на Јазбец ќе зборува д-р Душица Неделкоска.
Стиховите ги обединуваат сугестијата и мислата, сознанието и емоцијата, човечката желба и говорот на тајните. За него песната не е само обична авантура или случајност, туку мисловен изблик заснован на доживеани и незаборавени мигови.
Јазбец спаѓа во редот на познатите словенечки интелектуалци. Автор е на повеќе книги од различни области. Делата му се преведени на англиски, германски, турски, руски, арапски јазик…