Пинг-понг: Ветено – сторено
Младост со само еден пораз е на врвот
Уште пред почетокот на првенството во Супер лигата го одредивме Младост како кандидат за титулата, поради тоа што во тимот се искусните Ѓоко Јочкоски, Александар Штаргоски, Петар Јованоски и Љубиша Милошевиќ, со тренерот Зоран Јованоски. Ветувачкиот состав загуби само од градскиот ривал Младост 96, а ги совлада сите останати: Мултитекс од Битола, Шампиони и УГД од Штип, Работнички, Телеком и Вардар од Скопје. Најзначаен е триумфот над најголемиот конкурент, Вардар, со 4-3, преку два добиени меча на Јочкоски, во двојки Јочкоски/Милошевиќ и сингл на Милошевиќ.
Одличен е И вториот прилепски претставник, Младост 96, Има 5 победи (Мултитекс, Шампиони, Работнички, Младост и УГД) и 2 пораза (од Телеком и Вардар). Составот на тренерот Гоце Тошески – Александар Рикалоски, Петар Костовски, Антонио Стомнароски и Андреј Лашкоски е дораснат за борбата за врвот. Третото место и само бод под водечките, се гаранција за бериќетна пролет. Лигата продолжува во март.
Табела: Младост и Вардар 13, Младост 96 и Телеком 12, Работнички 10, Шампиони 9, УГД 8, Мултитекс 7.
