Брачната двојка пијанисти Мелани и Филип Пеоски, вечерва од 20 часот во изложбениот салон ќе имаат солистички настапи на пијано. Гостин ќе им биде кларинетистот Игор Бакревски. Заедно ќе свират и дуо пијано.
На програмата се дела од Брамс, Шопен, Гершвин, Пјацола…
Мелани и Филип Пеоски живеат и работат во Германија. Мелани завршила Музичка академија во Загреб, а Филип ФМУ во Скопје. Двајцата имаа бројни награди на пијано натпревари, а настапувале на концерти низ Македонија, Германија, Хрватска. Освен како солисти Мелани и Филип настапуваат и како дуо пијано, изведувајќи програми од сите стилски епохи.
Бакревски завршил постдипломски студии на ФМУ во Скопје. Имал студиски престој во бостонскиот конзерваториум. Настапувал со многу оркестри. Член е на неколку камерни состави.
