Хорските ансамбли при храмот Св. Петка
Хорските ансамбли при храмот Св. Петка одржаа предвелигденски концерт со хуманитарен карактер. Ансамблите, под диригентската палка на протопсалт м-р Гоце Секулоски, приредија извонредно музичко доживување со изведбите на композиции од источно црковно пеење, од Бадев, Мокрањац, Динев, Секулоски, како и руски црковни напеви.
-Потсетувајќи се на високата цена за нашиот живот, со прескапата Крв Христова, го слушнавме гласот на Преблагиот Господ. Со нашата музика дарувавме за ближните во часот на нивното искушение и да се зарадуваме со христовите зборови – ,,гладен бев и Ме нахранивте, болен бев и Ме посетивте,, – велат од црковните ансамбли.
