Ракомет
Машката екипа на Прилеп наместо шест, освои четири бода на двата последни меча дома. Прво ремизираше со Радовиш (26-26), потоа со минимален резултат (28-27) го совлада Металург 2. На овој натпревар клучен беше финишот, низ надминување на негативата од 25-26. На табелата заземено е 6 место со 10 бода, а достижно е 5 место, каде е Радовиш со 11. Следниот дуел е со Пролет во Скопје.
Женскиот тим на Деспина прво загуби од Пелистер во Битола (35-19), во средата играше дома со Куманово (19-26). На ред е гостувањето на европскиот вицешампион Вардар во Скопје.
