Џудо
Во салата од ООУ „Добре Јованоски“ во организација на ЏК Сеишин се одржа деветтото издание на Меѓународниот турнир „Прилеп, град херој“. Покрај присуството на локалните, националните, балканските и меѓународните претставници, гости имаше и од лулката на џудото, Јапонија, како амбасадорката во земјава, Кеико Ханеда и поранешниот почесен генерален конзул, Казу Лешниковска. Над 250 учесници од шест држави (Црна Гора, Бугарија, Грција, Албанија, Косово и Македонија) ги претставија квалитетите во три возрасни категории. Одлично се покажаа и прилепските клубови (Бушидо, Мастер, Пролетер и Сеишин). На Пролетер му припадна признанието за најдобра екипа во категоријата деца.
Во групата кадети најуспешна беше Илинден од Софија, а кај пионерите Кастриоти од Феризај.
