Борбен дух на мермерна плоча со делкана фигура на млада партизанка со нешто во раката – пушка, ранец, кренат е на плоштад. Момата е фатена од страна со долга плетенка на рамото.
Пораката е јасна. Токму на плочникот на шаренило од сиво и бело тло, девојката „одмора“ каде младите го нагазувале и заземале просторот за шеткање и истегнување на нозете. Тоа бил одмор од мисловната „борба“. Размрдување на идејниот дел за културно – забавен живот. Бил период пред активирање на маалската „каписла“ за дружба на заедничко корзо од сите страни на градот.
Калдрмената улица дава шмект. Посебно раздвижениот возен парк. со автомобили кои денес не се влечат по улиците. Малку се лизгаа бело – црвените автобуси по модерните „европски“ улици.
Се натокмила, се дотерала Старата чаршија, со „личотија“ дуќани во дослух со здивот на времето, на ударните градителски акции. Тогаш кога се потенцира слобода во секоја смисла. И раздвижени граѓани, на кои не им смета да крстарат низ сокаците на Старата чаршија со познатиот звук на градскиот часовник.
