Шах
Меѓународниот турнир „Карпош опен“ собра 197 шахисти од 30 држави, меѓу кои и двајца прилепчани. По 9 одиграни кола на 62 место се пласира ФМ Роберт Велески. Загуби од интермајсторот Петросјан (Ерменија), Килик (Турција) и ФМ Рогач (Србија), победи со домашниот Велковски, Кутсојанополу (Грција), Колари (Косово) и Миракола (Италија), а ремизира со Константинидис (Грција) и велемајсторот Савченко (Русија). Особено вредно ремито со Савченко, оти станува збор за второрангиран на турнирот со рејтинг 2636.
– Ретка е шансата да се игра со толку силен противник. Ремизирав. Тоа е мојот најголем успех – смета Велески.
На турнирот учествуваше и 12-годишниот Матеј Ѕвездакоски, а еден од петтемина судии беше Кире Николоски.
