Изложба на 25 дела од Верче Николоска е отворена во Куманово во салонот од Центарот за култура. Станува збор за графики и колажи творени последните години.
– Содржината на насловот ,,Парчиња од душата,, ги пренесува емоциите и надворешноста – вели авторката.
Уметничката имала едукација по графика и цртачки техники кај м-р Александар Џинго. Член е на ДЛУП и учесник на повеќе ликовни манифестации. Првата самостојна изложба ја имала во родниот град во 1999 година.
