„Сонувачот, купувачот и уште нешто…“ е театарската претстава за деца, која премиерно ќе биде изведена в недела од 11 часот во театарот „Војдан Чернодрински“. Текстот е од Сузана Ѓорѓиевска, а драматизацијата и режијата е на Игор Трпчески.
– Претставата е приказна за животот на Невен Илин, младо, палаво момче со ветер во косите, ѕвезди во очите и божуриги на образите, кое ќе се соочи со низа последици заради своите постапки за да ги извлече правилните поуки од животот – вели режисерот Трпчески.
Играат, Никола Ангелоски, Илија Волчески, Димитар Ѓорѓиевски, Марија С. Илијески, Александар Тодески, Сара Спиркоска, Надица Дојкоска, Елена Соколоска, Евгенија Јакимоска, Марио Велковски, Фиона Мирческа и Дамјан Макешоски.
Сцената и костимите ги изработи Бојана Артиновска Трпческа, музиката е на Томе Темелкоски, додека видеото е на Саша Нацески.
Претставата е заеднички проект на театарот, театарската Работилница – Прилеп и МДС „Чин 4 Сцена 5“.
