„Јунаците од бајките“ од народниот театар и хитовите на познатата музичка група Нокаут ќе биде пладневниот дел на новогодишната програма на плоштадот „Методија Андонов – Ченто“. Со топло вино, огномет и со песните на Белинда и Шило ќе се дочекува Новата година на Плоштадот од 22,30 часот. Локалните власти за забавата на улица на младите прилепчани им го „сервираа“ изненадувањето, славното диџејско трио „The Mode“.
-Да бидеме хумани и да донираме, а најлудата ноќ да ја поминеме на градскиот плоштад – порача градоначалникот Марјан Ристески.
И годинава центарот е „облечен“ во новогодишно руво. За декорација се елката и многубројни украси и фигури во парковите.
