Завршија истражувањата на Трескавец
Монети, садови, керамика, алатки, уникатни примероци на камена пластика кои ќе бидат конзервирани, се пронајдени при заштитните археолошки истражувања на манастирот Трескавец, во делот од трпезаријата и магерницата. Артефактите се од различни периоди.
– Значајна е единствената камена пластика од античкиот град Колобаиса – вели археологот д-р Бранисал Ристески.
Со истражувањата се добија релевантни податоци за изработка на проектот за реконструкција, ревитализација и санација на трпезаријата и магерницата, бидејќи треба да бидат автентични кога ќе се градат, а се ретки на овие простори.
Истражувањата беа дел од системските истраги на манастирскиот комплекс.
– Ги добивме сите податоци за развојот на манастирот во периодот од 8 до 13 век. Најзначајни се последните години на 13 и во почетокот на 14 век, кога владеел византискиот император Андроник 1 Палеолог. Податоците се извонредни и за Марковите кули, кои се протегаат на поголема површина и се заокружена целина. Се бележи исклучително значајна сертификациска култура. Трескавец е византиски, царски манастирски комплекс со автентична трпезарија, магерница, архитектура, живопис – вели Ристески, потенцирајќи дека проектот носи наслов Манастирска ризница и ќе има три сегменти – изложбен, трпезариски и третиот дел, посветен на иконите, со што ќе биде единствен на поширокиоте простори.