Изложба
Точно 13 апстракции во масло на платно е содржината на изложбата на Дејан Иванов – Маргуш, насловена “Космички пејзажи 2” што сношти беше отворена во галеријата од ЦК “Марко Цепенков”.
Љупчо Маленков вели дека дипломираниот уметник на ФЛУ во Скопје не експериментира со гол конструктивизам, туку делата имаат семантична длабочина што ги симболизира тивката радост и спокојот на битието што го интегрира просторот и времето.
– Пејзажите се индивидуални светови. Земјата, водата, воздухот, светлоста стануваат елементарно доживување. Набљудувачот открива нови хоризонти на различни начини и претставуаат нова авантура и драматика – вели Маленков.
Иванов имал повеќе самостојни и групни изложби и бил учесник на неколку колонии. Член е на ДЛУМ и добитник на наградата ,,Димитар Пандилов,, за Мал формат од ДЛУМ во 2012 година.
